Data idarəçiliyi üzrə baş mütəxəssis

Təsvir

• Data idarəçiliyi üzrə siyasətlərinin, standartlarının, prosedur və metodoloji sənədlərin hazırlanması

• Data idarəçiliyi üzrə vəzifələr (data sahibi, data stüard və s.), öhdəliklər və idarəetmə strukturlarının (komitələr, işçi qrupları) fəaliyyətinin təkmilləşdirilməsi

• Data keyfiyyəti göstəricilərinin müəyyən edilməsi, ölçülməsi və monitorinqi

• Data idarəçiliyi ilə bağlı texniki həllərin (data kataloq və s.) idarəedilməsi və qabaqcıl texnologiyaların tətbiq edilməsi

• Metaməlumatların (tərif, iş anlayışları və s.) data kataloqunda sənədləşdirilməsi və aktuallığına nəzarət edilməsi

• Master data idarəetməsi (MDM) təşəbbüslərinin dəstəklənməsi

• Məlumatların təsnifatı, qriflənməsinin və təhlükəsizliyinə dəstək göstərilməsi

• Məlumatların həyat dövrü (yaradılması, toplanılması, saxlanması, işlənməsi, paylaşılması, arxivləşdirilməsi və silinməsi) üzrə qaydaların tənzimlənməsi və metodoloji sənədlərin tərtib olunmasında iştirak edir, habelə tərtib olunmuş tənzimləyici sənədlərə uyğunlaşmağa dəstək göstərilməsi

• Data ilə bağlı layihələrdə (rəqəmsallaşma, inteqrasiya və s.) data idarəçiliyi üzrə ekspert dəstəyinin göstərilməsi

• Data risklərinin qiymətləndirilməsi və risklərin azaldılması üzrə tədbirlərin təklif edilməsi

• Data idarəçiliyi üzrə hesabatların hazırlanması

• Data idarəedilməsi üzrə yetkinlik səviyyəsinin qiymətləndirilməsi (maturity assessment), boşluqların müəyyən edilməsi və aradan qaldırılması istiqamətində tədbirlərin görülməsi

• Agentliyin əməkdaşlarının Data idarəçiliyi üzrə savadlılığının qiymətləndirilməsi və artırılması istiqamətində təlimlərin keçirilməsi

• Azərbaycanda məlumatların idarə edilməsi (Data Governance) Strategiyasının icrası və hədəflənən arxitekturası (çərçivəsi) tətbiqində iştirak edilməsi

• Dövlət informasiya ehtiyatlarında və sistemlərində toplanılan məlumatların keyfiyyətinin artırılması və mərkəzləşdirilmiş data idarəçiliyinin tətbiqində iştirak edilməsi

• “Dövlət məlumat hövzəsi”nin yaradılması və dövlət informasiya ehtiyatlarında və sistemlərində formalaşan məlumatların hövzəyə inteqrasiyasında iştirak edilməsi

• Elektron xidmətlərin təşkili və göstərilməsi, habelə dövlət informasiya ehtiyatlarının və sistemlərinin təşkili və fəaliyyəti üzrə qiymətləndirilmənin həyata keçirilməsində iştirak edilməsi

• Dövlət qurumlarının və yerli özünüidarəetmə orqanlarının rəqəmsallaşma səviyyəsinin diaqnostikasının həyata keçirilməsi və diaqnostika nəticəsində Rəqəmsallaşma üzrə Yol Xəritəsinin hazırlanmasında iştirak edilməsi