Texniki Ofis Mühəndisi

MEC DESIGN Azərbaycanda aparıcı podratçı və fit-out şirkətlərindən biridir və yüksək səviyyəli, prestijli layihələr üçün memarlıq, MEP və təbii daş işlərinin icrasında ixtisaslaşmışdır. Mükəmməllik və innovasiyaya sadiqliyimiz çərçivəsində Bakı şəhərində komandamızı genişləndiririk.

Əsas vəzifə öhdəlikləri

• Layihə üzrə texniki sənədlərin hazırlanmasını, yoxlanılmasını, sistemləşdirilməsini və aktual saxlanılmasını təmin etmək;

• İşçi çertyojları, texniki spesifikasiyalar, layihə sənədləri və digər texniki məlumatları təhlil etmək;

• Layihə sənədləri ilə sahədə faktiki görülən işlərin uyğunluğunun yoxlanılmasını təşkil etmək;

• Saha komandası ilə sıx koordinasiya edərək faktiki icra olunmuş iş həcmlərinin yoxlanılmasını və təsdiqlənməsini təmin etmək;

• BOQ, material spesifikasiyaları, texniki hesabatlar və digər layihə sənədlərinin hazırlanmasına və yoxlanılmasına nəzarət etmək;

• Layihə xərclərinin və faktiki icra həcmlərinin izlənilməsi üzrə Cost Control prosesini həyata keçirmək;

• Subpodratçıların hakedişlərinin hazırlanmasını, yoxlanılmasını və izlənilməsini təmin etmək;

• Faktiki görülmüş iş həcmlərini sahə komandası ilə birlikdə yoxlamaq və hakedişlərin düzgün hesablanmasına nəzarət etmək;

• Dəyişikliklərin və əlavə işlərin (Variation Orders) qeydiyyatını aparmaq, qiymətləndirilməsində iştirak etmək və təsdiq prosesini izləmək;

• Construction Manager ilə sıx əməkdaşlıq edərək hakedişlər, variation, faktiki icra həcmləri və digər maliyyə məsələləri üzrə operativ məlumat mübadiləsini təmin etmək;

• Mühasibatlıq departamenti ilə koordinasiyada olmaq, ödənişlər, hesab-fakturalar və digər maliyyə sənədləri üzrə məlumat mübadiləsini həyata keçirmək;

• Memarlıq və mühəndislik bölmələri, texniki ofis və sahə komandası arasında texniki koordinasiyanı təmin etmək;

• Sahədən daxil olan texniki məsələləri təhlil etmək, onların həlli üçün müvafiq qərar və təkliflərin hazırlanmasında iştirak etmək;

• Layihə dəyişikliklərini sənədləşdirmək və aidiyyəti şəxslərlə koordinasiya etmək;

• Təchizatçı və subpodratçılardan təqdim olunan texniki sənədləri, material məlumatlarını və digər müvafiq sənədləri yoxlamaq;

• Tikinti prosesinin təsdiq edilmiş layihə, texniki spesifikasiya və digər layihə tələblərinə uyğun aparılmasına texniki dəstək göstərmək;

• Həftəlik və aylıq cost control, hakediş, variation və layihənin maliyyə vəziyyəti üzrə hesabatlar hazırlamaq;

• Layihə üzrə texniki və maliyyə məlumatlarının düzgün, aktual və sistemli şəkildə saxlanılmasını təmin etmək.