İnsan resursları üzrə baş mütəxəssis

Təsvir

• Azərbaycan Respublikasının əmək qanunvericiliyinə, şirkətin daxili normativ sənədlərinə, nizamnaməsinə, prosedur və təlimatlarına, habelə rəhbərliyin müvafiq göstəriş və əmrlərinə uyğun olaraq insan resursları üzrə sənədləşmə işlərini həyata keçirmək;

• İşçilərin işə qəbulu, başqa vəzifəyə və ya struktur bölməsinə keçirilməsi, əmək müqaviləsinə dəyişikliklərin edilməsi, məzuniyyətə buraxılması və əmək münasibətlərinə xitam verilməsi ilə bağlı sənədləri hazırlamaq və rəsmiləşdirmək;

• İşçinin işdən azad edilməsi zamanı müəyyən edilmiş prosedura uyğun olaraq dövriyyə vərəqəsini hazırlamaq, aidiyyəti struktur bölmələrindən təsdiqləri toplamaq və sənədləşmə prosesini tamamlamaq;

• İşçilərin şəxsi işini formalaşdırmaq, sistemləşdirmək, qeydiyyatını və müvafiq məlumatların aktuallığını təmin etmək;

• Əmək münasibətləri ilə bağlı məlumatların ƏMAS və digər aidiyyəti elektron sistemlərə düzgün və vaxtında daxil edilməsini təmin etmək;

• İşçilərin şəxsi məlumatlarında baş verən dəyişiklikləri müvafiq məlumat bazalarında vaxtında yeniləmək;

• Vakansiyalar üzrə işə qəbul prosesini təşkil etmək: vakansiyanın hazırlanması və elan edilməsi, namizədlərin axtarışı və cəlb olunması, CV-lərin ilkin qiymətləndirilməsi, müsahibələrin təşkili və seçim prosesində iştirak etmək;

• Seçilmiş namizədlərin işə qəbul sənədlərinin hazırlanmasını və işə qəbul prosesinin vaxtında tamamlanmasını təmin etmək;

• Yeni işə qəbul olunan əməkdaşların şirkətin daxili qaydaları, iş prinsipləri və vəzifə öhdəlikləri ilə tanışlığını təşkil etmək, adaptasiya prosesini izləmək və nəticələri barədə müvafiq məlumatları hazırlamaq;

• İşçilərin məzuniyyət hüquqlarının və məzuniyyət istifadəsinin uçotunu aparmaq;

• Məzuniyyətlərlə bağlı əmrlərin və digər zəruri sənədlərin hazırlanmasını və düzgün rəsmiləşdirilməsini təmin etmək;

• İşçilərin xəstəlik vərəqələri ilə bağlı sənədləşmə və uçot prosesini həyata keçirmək;

• İşçilərin şəxsi və əmək fəaliyyətinə dair məlumat bazasının aparılmasını, mütəmadi yenilənməsini və məlumatların düzgünlüyünü təmin etmək;

• Kadr axınının (işçi dövriyyəsinin) səbəblərini təhlil etmək, əsas səbəbləri müəyyənləşdirmək və kadr axınının azaldılması ilə bağlı təkliflər hazırlayaraq rəhbərliyə təqdim etmək;

• İşçilərin əmək intizamı, davamiyyəti və HR prosedurlarına riayət olunması ilə bağlı məlumatların toplanmasında və təhlilində iştirak etmək;

• İnsan resurslarının idarə edilməsi ilə bağlı daxili hesabatları, statistik məlumatları və analitik arayışları hazırlamaq;

• Əmək qanunvericiliyində baş verən dəyişiklikləri izləmək və HR sənədləşməsi və proseslərində müvafiq dəyişikliklərin tətbiqində iştirak etmək;

• HR auditləri və yoxlamaları zamanı tələb olunan sənədləri və məlumatları hazırlamaq, sənədlərin qanunvericiliyə və şirkətin daxili prosedurlarına uyğunluğunu təmin etmək;

• İşçilərin fəaliyyətinin qiymətləndirilməsi sisteminin tətbiqi və izlənilməsi;

• İşçilərin inkişaf planlarının hazırlanması, mentorluq proqramlarının idarə olunması və karyera yüksəlişi proseslərinin tənzimlənməsi;

• İşçilərin ehtiyaclarının müəyyənləşdirilməsi, daxili və xarici təlimlərin təşkil olunması, onboarding (işə adaptasiya) prosesinin təkmilləşdirilməsi;

• Daxili kommunikasiyanın gücləndirilməsi, işçi məmnuniyyətinin artırılması istiqamətində layihələrin həyata keçirilməsi;

• Rəhbərliyin tapşırığına əsasən insan resurslarının idarə edilməsi ilə bağlı digər funksiyaları həyata keçirmək.